„ადმინ, მთავარზე დადე რაააა!“ ანუ „რჩეული არხი“ პარტნიორებისათვის

მიუხედავად მათი სიმცირისა, ისინი არსებობენ.. დიახ, გაგიკვირდებათ და არსებობენ ისეთი პარტნიორული არხები myvideo-ზე, რომლებიც ყველაფერს სწორად აკეთებენ იმისათვის, რომ წარმატებულად მართონ საკუთარი არხი და მოხვდნენ მთავარ გვერდზე ისე, რომ არათუ მოითხოვონ, წარმოდგენაც კი არ ჰქონდეთ ამის შესახებ!

რადგან მათი სიმცირე ასე გვწყინს, ვცდილობთ არ მოვაკლოთ რჩევები დანარჩენ პარტნიორებს, რომელთა შესრულების შემთხვევაში, არათუ დაეწევიან, გაასწრებენ კიდეც მათ.

რადგან მათი არსებობა ასე გვახარებს, გადავწყვიტეთ წავახალისოთ ასეთი გვერდების ავტორები და ვაგრძნობინოთ, თუ როგორ ვაფასებთ მათ დამოკიდებულებას და ერთგულებას myvideo-სადმი.

შესაბამისად, პერიოდულად ამოვარჩევთ პარტნიორული არხების კატალოგიდან ერთ არხს, რომელიც ზედმიწევნით შეასრულებს ყველა მოთხოვნას, რაც წარმატებული არხისათვის აუცილებელია და არც მეტი, არც ნაკლები . . .  დავუთმობთ მის ვიდეორგოლებს მთელ ბლოკს … მთავარ გვერდზე … 1 კვირის ვადით ❣ ❣ ❣

top_channel

პირველი რჩეული არხის მაგალითია myvideo.ge/ExclusiveTV , რომელიც რამოდენიმე კრიტერიუმით შევარჩიეთ. ესენია:

  • საინტერესო და უნიკალური კონტენტი;
  • მოწესრიგებული ვიდეოები (ფლეილისთები);
  • ბრენდირებული დიზაინი;
  • ეფექტური მოკლე მისამართი;
  • თემატური ფონის სურათები ვიდეოებზე;
  • სწორად მითითებული ვიდეოს კატეგორიები;
  • მოწესრიგებული ინფორმაციული მხარე – არხისა და ვიდეოების აღწერა.

შემდეგ „რჩეულ არხს“ იმავე კრიტერიუმებით შევარჩევთ და ვიმედოვნებთ, რომ ეს სწორედ თქვენი არხი იქნება. დიახ, თქვენი, ახლა გვერდით „ტაბში“ ფოსტა რომ გაქვთ გახსნილი და წერილს გვწერთ სათაურით –

„ადმინ, მთავარზე დადე რაა!!!“    Picture_2_c

დავდებთ ბატონო, აუცილებლად დავდებთ, თუ ამისთვის სწორ მეთოდებს მიმართავთ. 🙂

Tags:

1 comment

  1. ეს ყველაფერი გასაგებია და ვფიქრობ ამ ყველაფერს ვასრულებ,რამდენიმე დღეა გავაკეთე \ექაუნთი\,ჯერ მხოლოდ 3 ვიდეო ავთვირტე,აქედან 3 ივე მოხვდა მთავარ გვერდზე რისთვისაც დიდი მადლობა,მაგრამ ძალიან გთხოვთ იქნებ როგორმე ამიხსნათ როგორ და რა გზებით შეიძლება გავაკეთო ჩემი არხი,მაილზე დაგიკავშირდით მაგარმ პასუხი ვერ მივიღე სამწუხაროდ :X

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *