27
აპრ 17

myvideo.ge მილიონერია!

myvideo android

myvideo.ge-ს აპლიკაციას, რომელიც android მოწყობილობებისთვისაა განკუთვნილი, 1 მილიონზე მეტი გადმოწერა აქვს! აპლიკაცია სმარტფონებსა  პლანშეტებზე myvideo.ge-ს ყველა სერვისის კომფორტული გამოყენებისთვის შეიქმნა 2009 წელს და მას შემდეგ რეგულარულად ახლდება მომხმარებლების მოთხოვნების მიხედვით. გარდა პირდაპირი სატელევიზიო ეთერისა და ვიდეოებისა, აპლიკაციას აქვს შემდეგი ფუნქციები: ტელეარხების პროგრამის ნახვა, გადახვევისა და დაპაუზების ფუნქცია, გადაცემების ძებნა პროგრამისა და დროის მიხედვით და გადაცემის დაწყების შეხსენება.

ეს არის პირველი შემთხვევა, როდესაც ქართულმა, ასევე ქართველი მომხმარებლებისათვის შექმნილმა აპლიკაციამ 1 000 000 გადმოწერას გადააჭარბა, რითაც ძალიან ვამაყობთ!

myvideo არა მხოლოდ სამომხმარებლო, არამედ სარეკლამო ბაზარზეც წარმატებით ინარჩუნებს ლიდერის პოზიციას ინტერნეტსივრცეში. დღევანდელი მონაცემებით, პორტალს ჰყავს 1 422 849 რეგისტრირებული მომხმარებელი და 800-ზე მეტი რეკლამის დამკვეთი და პარტნიორი ორგანიზაცია, რომლებთანაც სტაბილურად თანამშრომლობს წლების მანძილზე. 2016 წლის დეკემბერში myvideo-10 წლის გახდა. www.myvideo.ge/10 ასახავს კომპანიის 10 წლიანი მუშაობის შედეგებს.

 

 

 


20
ივნ 16

“გრაფიკი” – ვიდეოს ატვირთვას ახალი ფუნქცია დაემატა

myvideo.ge-ზე ვიდეოს ატვირთვას ახალი ფუნქცია დაემატა – ეს არის გრაფიკი, რომელიც საშუალებას გაძლევთ ატვირთოთ თქვენი ვიდეო დღეს, და გამოაქვეყნოთ ნებისმიერ, თქვენთვის სასურველ, დროს.

ფუნქცია ხელმისაწვდომია ატვირთვის გვერდზე – ვიდეოფაილის არჩევამდე, ვიდეოს ტიპში აირჩიეთ “გრაფიკი” და კალენდარში მიუთითეთ გამოქვეყნების თარიღი და დრო.

schedule

 


19
თებ 16

MYVIDEO.GE ქართული პროდუქციის მხარდასაჭერად

50_off

2016 წლის 15 თებერვლიდან MYVIDEO.GE ქართული პროდუქციის მწარმოებლების ტრადიციულ მხარდასაჭერ აქციას იწყებს. უკვე მეოთხე წელია, ქვეყნის ყველაზე დიდი ვიდეოპორტალი ქართველ მეწარმეებს ინტერნეტ სარეკლამო მომსახურებას 50%-იანი ფასდაკლებით სთავაზობს.

აქცია 29 თებერვლამდე გაგრძელდება და ხელშეკრულების მინიმალური ვადა 6 თვით განისაზღვრება. აქცია შესაძლებელია გამოიყენონ სარეკლამო სააგენტოებმაც.

კომპანიაში მიიჩნევენ, რომ ეროვნული ვალუტის გაუფასურების გამო, ეს აქცია ადგილობრივი პროდუქციის რეკლამირების ზრდას მნიშვნელოვნად შეუწყობს ხელს.


31
ოქტ 15

MYVIDEO.GE Facebook-ზე დაბრუნდა!

ჩვენი Facebook-ზე დაბრუნება ისევე მოულოდნელად მოხდა, როგორც ჩვენი დაბლოკვა, მაგრამ მთავარია, რომ აღდგა ჩვენი გვერდიც და მომხმარებლების ჯგუფიც და კვლავ შევძლებთ ჩვენს მომხმარებლებთან კონტაქტს ამ გზით!

დიდი მადლობა გვინდა გადავუხადოთ:

  • ჩვენს ყველა მომხმარებელს, ვინც მხარი დაგვიჭირა პეტიციის და საჩივარის ფორმის საშუალებით.
  • Socialsharks-ის მთელს გუნდს, რომ არსებობენ, განსაკუთრებით კი ნიკას და ფიქრიას, რომლებმაც გულთან ახლოს მიიტანეს ჩვენი პრობლემა და დაგვეხმარნენ Facebook-თან კომუნიკაციაში.
  • მედიის ყველა წარმომადგენელს, რომელმაც მოასწრო და გაავრცელა ჩვენი “გასაჭირი”, სანამ დავბრუნდებოდით.
  • Page Admins-ების ყველა წევრს, რომელიც ამ პერიოდში მოთმინებით იტანდა ჩვენი ადმინის წუწუნს და ამხნევებდა ცხოვრების ამ მძიმე პერიოდში.
  • myvideo.ge-ს ყველა თანამშრომელს, რომელმაც ინერვიულა და მათაც, ვისაც არც კი გაუგია ეს ამბავი 🙂

და ბოლოს, ყველა იმ 226,140 მომხმარებელს, რომელიც ამ ბედკრული 24 საათის განმავლობაში მაინც ესტუმრა ჩვენს საიტს, მიუხედავად იმისა, რომ ამ პერიოდში Facebook-ზე ჩვენი არცერთი ლინკი არ გაზიარებულა.

 

 

 


30
ოქტ 15

Facebook-მა Myvideo დაბლოკა

UPDATE: დავბრუნდით!!!! დიდი მადლობა ყველას დახმარებისთვის!!!

 

 

ჩვენთვის გაურკვეველი მიზეზების გამო, Facebook-ზე დაბლოკილია Myvideo-ს ვებსაიტი, რაც გულისხმობს შემდეგს:

  • გაქრა Myvideo -ს ოფიციალური გვერდი
  • გაქრა Myvideo -ს მომხმარებლების დახურული ჯგუფი
  • შეუძლებელია Myvideo -დან ნებისმიერი ბმულის გაზიარება, პირად შეტყობინებაშიც კი
  • შეუძლებელია Myvideo -ზე ავტორიზაციის გავლა Facebook-ის საშუალებით

გარდა ამისა, ბმულების გაზიარებისას პრობლემები ექმნებათ იმ ქართულ ვებსაიტებსაც, რომლებიც იყენებენ Myvideo-ს embed კოდებს, backlink-ებს ან სხვა რეფერენსებს.

საიტის ადმინისტრაცია მომხმარებლებს თხოვნით მიმართავს, რომ დაეხმარონ Myvideo-ს Facebook-ზე დაბრუნებაში და მოაწერონ ხელი პეტიციას შემდეგ ბმულზე: http://www.ipetitions.com/petition/myvideo

ასევე მიმართონ Facebook-ს შემდეგი ბმულიდან: http://on.fb.me/1KKBq9X და მიუთითონ, რომ შეცდომით არის დაბლოკილი საიტის ბმულები. იხილეთ მაგალითი:


16
ოქტ 15

MYVIDEO Mobile TV iOS-სთვის განახლდა!

1ძალიან სასიამოვნო სიახლე გვაქვს თქვენთვის: ჩვენი აპლიკაცია iOS-სთვის განახლდა!!!!

? გარდა ძველი შეცდომების გამოსწორებისა, დაემატა ავტორიზაციის ფუნქცია და შეიცვალა ინტერფეისი – myvideo-ს მოხმარება სმარტფონით ასეთი კომფორტული და სასიამოვნო ჯერ არ ყოფილა !

განაახლეთ სასწრაფოდ: https://itunes.apple.com/…/a…/myvideo-mobile-tv/id551311534…

 

 

 


15
ოქტ 15

MYVIDEO საერთაშორისო ინვესტორების წინაშე WEB SUMMIT 2015-ზე წარდგება

MYVIDEO.GE, რომელიც სს ITDC-ს პროექტია, 2-6 ნოემბრის ჩათვლით დუბლინში დაგეგმილ WEB SUMMIT ALPHA 2015-ზე მიიწვიეს. ბრენდი საქართველოს ბაზარზე 2006 წელს გამოჩნდა, და დღევანდელი მონაცემებით ყოველთვიურად 2 მილიონამდე მომხმარებელი ჰყავს, რომელთაგანაც 1.3 მილიონი რეგისტრირებული მომხმარებელია. 2013 წელს MYVIDEO აზერბაიჯანის ბაზარზეც გამოჩნდა, სადაც არანაკლები პოპულარობით სარგებლობს.  Continue reading →


07
აგვ 15

MYVIDEO-ს განახლებული აპლიკაცია Android-ის მომხმარებლებისათვის

CaptureUPDATE: აპლიკაცია კიდევ ერთხელ განახლდა  ვერსიაზე 5.0.9.

პრობლემა, რომელიც ჰქონდათ ძველ ანდროიდ ტელეფონებს, მათ შორის უმეტესობა HUAWEI-ს მოდელებს, მოგვარებულია.

გთხოვთ ხელახლა განაახლოთ აპლიკაცია.

 

განახლდა myvideo-ს აპლიკაცია Andorid ტელეფონებისათვის. აპლიკაცია გათვლილია მხოლოდ სმარტფონებისათვის. გადმოსაწერი ლინკი: http://bit.ly/1x3PogT

Myvideo-ს აპლიკაცია ანდროიდისათვის ხელმისაწვდომს ხდის სატელევიზიო არხებს, ვიდეოებსა და ფილმებს თქვენს მობილურში! ავტორიზაციის გარეშე, მომხმარებლებს შეუძლიათ გამოიყენონ შემდეგი ფუნქციები:

Continue reading →


03
აპრ 15

განახლებული კინოთეატრი MYVIDEO.GE-ზე

ჩვენი კინოთეატრის ერთგული მომხმარებლები უკვე შეამჩნევდით, რომ დაგვემატა რამოდენიმე სასარგებლო სიახლე, რომელიც გამოკითხვის შედეგებმა გვაჩვენა, რომ აუცილებელი იყო განგვეხორციელებინა.

პირველ რიგში, უდიდესი მადლობა იმ უამრავ ადამიანს, ვინც არ დაიზარა და გულწრფელი და სამართლიანი კრიტიკა არ დაიშურა იმისათვის, რომ უკეთესები გავმხდარიყავით.

Continue reading →


31
მარ 15

მოითხოვეთ სასურველი ფილმის ქართულად გახმოვანება MYVIDEO.GE-ზე!

 

geo

სიახლე მათთვის, ვინც ფილმებისა და სერიალების ყურებას ქართულ ენაზე ამჯობინებს!

ყველა ფილმი და სერიალი, რაც ქართულ ენაზე ჯერ კიდევ არ გვითარგმნია, მაგრამ სხვა ენებზე უკვე ხელმისაწვდომია ჩვენს საიტზე, შეგიძლიათ უკვე ოფიციალურად მოითხოვოთ ქართულ ენაზე!

ამისათვის შედიხართ MYVIDEO.GE- ზე, ეძებთ სასურველ ფილმს, ან სერიალს და აჭერთ ღილაკს “მინდა ქართულად”! ყველა თქვენგანის მოთხოვნა ავტომატურად აისახება ჩვენს ბაზაში და ასე უფრო უკეთესად შევიტყობთ თუ რა ფილმი, ან სერიალი გსურთ ყველაზე მეტად ქართულ ენაზე!