19
თებ 16

MYVIDEO.GE ქართული პროდუქციის მხარდასაჭერად

50_off

2016 წლის 15 თებერვლიდან MYVIDEO.GE ქართული პროდუქციის მწარმოებლების ტრადიციულ მხარდასაჭერ აქციას იწყებს. უკვე მეოთხე წელია, ქვეყნის ყველაზე დიდი ვიდეოპორტალი ქართველ მეწარმეებს ინტერნეტ სარეკლამო მომსახურებას 50%-იანი ფასდაკლებით სთავაზობს.

აქცია 29 თებერვლამდე გაგრძელდება და ხელშეკრულების მინიმალური ვადა 6 თვით განისაზღვრება. აქცია შესაძლებელია გამოიყენონ სარეკლამო სააგენტოებმაც.

კომპანიაში მიიჩნევენ, რომ ეროვნული ვალუტის გაუფასურების გამო, ეს აქცია ადგილობრივი პროდუქციის რეკლამირების ზრდას მნიშვნელოვნად შეუწყობს ხელს.


13
თებ 15

გინდა მოიგო Myvideo TV BOX? მიიღე მონაწილეობა ჩვენს ფოტოკონკურსში!

boxbox

იმისათვის რომ გახდე მონაწილე, საჭიროა გადაიღო ფოტო, სადაც წინა პლანზე აუცილებლად უნდა ფიგურირებდეს ტელევიზორის პულტი, ხოლო ფონზე რაიმე სახალისო, უცნაური ან უჩვეულო მოვლენა იყოს ასახული!

თქვენი ჩანაფიქრის უკეთ გადმოსაცემად, ფოტოს რედაქტირებისათვის შეგიძლიათ გამოიყენოთ ნებისმიერი პროგრამა ან ეფექტი.

საკონკურსო ფოტოები და საკონტაქტო ინფორმაცია გამოგვიგზავნეთ Myvideo TV BOX-ის Facebook გვერდის პირად შეტყობინებაში ან მოგვაწოდეთ ელ.ფოსტით შემდეგ მისამართზე: dev@myvideo.ge და თემაში მიუთითეთ: ‘Myvideo TV BOX’.

მოდერაციის შემდეგ თქვენი ფოტო დაიდება საკონკურსო ფოტოალბომში. Myvideo TV BOX-ს მოიგებს ის მონაწილე, რომლის ფოტოსაც 6 მარტამდე ექნება ყველაზე მეტი გაზიარება ანუ „share”!

Continue reading →


01
მაი 11

საიტები გაყალბებული რეიტინგით ანუ რა უნდა იცოდეს რეკლამის დამკვეთმა იმ საიტის შესახებ სადაც ათავსებს რეკლამას

ამ სტატიაში კონკრეტული საიტების დასახელებისაგან თავს შევიკავებ, თუმცა შევეცდები დეტალურად აღვწერო თუ რა უნდა იცოდეს რეკლამის დამკვეთმა იმ საიტის შესახებ სადაც ათავსებს რეკლამას, რათა არ დარჩეს მოტყებული.

ანალიზისათვის დაგჭირდებათ:

  • კონკრეტული საიტის top.ge-ს დეტალური სტატისტიკა. თუ დახურულია, მოითხოვეთ მისი გახსნა.
  • ამავე საიტის google analytics – ანგარიში, რომელზედაც წვდომა უნდა მოგცეთ საიტის მფლობელმა თუ მას დასამალი არაფერი აქვს :).

პირველი – ვიზიტორები ქვეყნების მიხედვით.

  • დააკვირდით ქართველ მომხმარებელზე ორიენტირებულ საიტზე საქართველოდან ვიზიტების რაოდენობა ხომ არ არის საეჭვოდ დაბალი უცხოეთთან შედარებით?

მეორე – შესვლის წერტილი და რა გვერდები დაათვალიერეს.

  • ხომ არ არის ტოპ 20-ეულში ისეთი გვერდები, რომლებსაც არანაირი დატვირთვა არ აქვს გარდა იმისა, რომ  top.ge-ს ან სხვა სტატისტიკის მთვლელი ჩაიტვირთოს და ვიზიტი დააფიქსიროს?

მესამე – რამდენ ხანს ჩერდება მომხმარებელი

  • ხომ არ არის ეს მაჩვენებელი საეჭვოდ დაბალი?

მეოთხე – ახალი და დაბრუნებული ვიზიტორების შედარება

  • საეჭვოდ ბევრად  ხომ არ აღემატება ახალი ვიზიტორების რაოდენობა დაბრუნებულებისას?