განახლებული კინოთეატრი MYVIDEO.GE-ზე

ჩვენი კინოთეატრის ერთგული მომხმარებლები უკვე შეამჩნევდით, რომ დაგვემატა რამოდენიმე სასარგებლო სიახლე, რომელიც გამოკითხვის შედეგებმა გვაჩვენა, რომ აუცილებელი იყო განგვეხორციელებინა.

პირველ რიგში, უდიდესი მადლობა იმ უამრავ ადამიანს, ვინც არ დაიზარა და გულწრფელი და სამართლიანი კრიტიკა არ დაიშურა იმისათვის, რომ უკეთესები გავმხდარიყავით.

mindaრაც შეეხება სიახლეებს, უმთავრესი მათ შორის არის ის, რომ რეგულარულად ვთარგმნით და ვახმოვანებთ პოპულარულ ფილმებს ქართულ ენაზე. იმისათვის, რომ გავიგოთ, თუ რომელი ფილმის ნახვა გსურთ ქართულად, უკვე შეგიძლიათ გამოიყენოთ ღილაკი „მინდა ქართულად“, რომელიც ხელმისაწვდომია ყველა მომხმარებლისათვის იმ ფილმებისა და სერიალების გვერდზე, რომლებიც ჯერ არ გვაქვს ნათარგმნი.

problemსამწუხარო ფაქტია, მაგრამ უნდა ვაღიაროთ, რომ ხშირად ფილმების აღწერა, მსახიობები და რეჟისორი შეცდომით არის მითითებული, ასევე ხშირად ხდება, რომ ფილმს სხვა ენა აქვს მითითებული, ან გახმოვანების ხარისხი ცუდია (რაც არ ეხება ქართულად ჩვენ მიერ ნათარგმნ ფილმებს). ასეთი შემთხვევებისათვის დავამატეთ ღილაკი „შეგვატყობინე პრობლემა“. ღილაკზე დაჭერის შემდეგ ხელმისაწვდომია ყველა სავარაუდო პრობლემის ჩამონათვალი, ასევე არის ველი კომენტარებისათვის, სადაც შეგიძლიათ დეტალურად აღწეროთ თუ რა პრობლემა შეგექმნათ.male

კიდევ ერთი სიახლე ეხება ფილმებს, რომლებიც ჯერ არ გამოსულა, მაგრამ მათი „თრეილერები“ უკვე გასაჯაროებულია. თუკი გსურთ მიიღოთ შეტყობინება, როდესაც ფილმი დაემატება კინოთეატრში, დააჭირეთ ღილაკს „ეს ფილმი დაემატება მალე“ ან დაამატეთ „ფავორიტებში“.

ჯერჯერობით სულ ეს არის. თვალი ადევნეთ ჩვენს ბლოგს და ყველა სიახლეს პირველები შეიტყობთ.

Tags: , , ,

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *