ყველაფერი ბრენდირებული არხებისა და პარტნიორული სისტემის შესახებ

BRANDED

კითხვების უმეტესობა, რომელიც ჩვენს ინბოქსში მოდის, შემდეგი შინაარსისაა:

  • „როგორ გავხდეთ myvideo-ს პარტნიორი?“
  • „რამდენი თანხა დაგვერიცხება 1000 ნახვაზე?“
  • „ბრენდირებული არხი მაქვს და ფული რატომ არ მერიცხება?“

 

ამ კითხვებზე პასუხების გასაცემად, პირველ რიგში საჭიროა განვასხვავოთ ბრენდირებული არხი პარტნიორის სტატუსის მქონე არხისაგან.

ბრენდირებული არხი:

მისი შექმნა შეუძლიათ იმ მომხმარებლებს, რომლებიც აკმაყოფილებენ შემდეგ პირობებს:  მომხმარებლის გვერდი შედგება მინიმუმ 20 ვიდეორგოლისაგან, ითვლის 50-ზე მეტ გამომწერს და აქვს 200 000-ზე მეტი ჯამური ნახვა.

ამ მაჩვენებლების მიღწევისთანავე, მომხმარებლის გვერდზე შესვლისას ზედა მარჯვენა კუთხეში გამოჩნდება ღილაკი „ბრენდირების ჩართვა“. ამ ღილაკზე დაჭერის შემდეგ მომხმარებელს ავტომატურად მიენიჭება ბრენდირება.

ბრენდირებული არხის საშუალებით მომხმარებელი შემოსავალს ვერ მიიღებს, მაგრამ მას გააჩნია შემდეგი უპირატესობები:

  • გვერდს აქვს სპეციალურად მინიჭებული მისამართი შემდეგი ფორმატით: myvideo.ge/TQVENI-SAXELI (მაგ. http://www.myvideo.ge/nichieri);
  • ვიდეოების განთავსება შესაძლებელია ყოველგვარი ლიმიტის გარეშე ( განუსაზღვრელი ზომა და ხანგრძლივობა);
  • შესაძლებელია გვერდის დიზაინის მოდიფიცირება გვერდის ჰედერისა და ვიდეორგოლის ფონის სურათის შეცვლის გზით;
  • ვიდეორგოლების სწრაფი ატვირთვა რიგის გარეშე;
  • გვერდის ანგარიშში დამატებითი ინფორმაციის შეყვანის საშუალება;
  • ვიდეორგოლებში ანოტაციების დამატების შესაძლებლობა.

ბრენდირებულ არხზე მომხმარებელს შეუძლია ატვირთოს ნებისმიერი ვიდეო, განურჩევლად თემატიკისა და საავტორო უფლებებისა. სამომხმარებლო შეთანხმების გათვალისწინებით)

რაც შეეხება პარტნიორულ სისტემას, მასში ჩასართავად არსებობს გარკვეული მოთხოვნები და შესაძლებელია მხოლოდ ადმინისტრაციისაგან პარტნიორის სტატუსის მოთხოვნის საფუძველზე.

პარტნიორის სტატუსის მქონე არხის საშუალებით მომხმარებელი შეძლებს გამოიმუშაოს X თანხა, რომელიც თუკი თვეში 50 ლარს გადააჭარბებს, ჩაერიცხება რეკვიზიტებში მითითებულ ანგარიშზე, მომდევნო თვის 15 რიცხვამდე. თანხის ოდენობის წინასწარ განსაზღვრა შეუძლებელია, რადგან ეს დამოკიდებულია რამოდენიმე ფაქტორზე:

1) თანხის მისაღებად აუცილებელია თქვენმა ვიდეომ დააგროვოს ნახვები.

2) აუცილებელი პირობაა რომ როდესაც თქვენს ვიდეოს უყურებენ სხვები, ამ დროს მასზე გავიდეს რეკლამა.

3) იმისათვის, რომ რეკლამა გავიდეს თქვენს ვიდეოზე, აუცილებელია რომ ეს რეკლამა ჩვენ გაყიდული გვქონდეს, ანუ აუცილებელი პირობაა რომ ამ პერიოდში არსებობდნენ რეკლამის დამკვეთები, რომლებმაც საკუთარი პროდუქტის რეკლამა myvideo-ზე განათავსეს.

გამომდინარე იქიდან, რომ ჩვენ წინასწარ არასდროს ვიცით რამდენად დატვირთული იქნება ჩვენი სარეკლამო სივრცე ამა თუ იმ კონკრეტულ პერიოდში და რამდენად პოპულარული გახდება თქვენი არხი, შეუძლებელია წინასწარ განვსაზღვროთ თქვენ მიერ დაგროვილი თანხის ოდენობა. ამიტომ, ნუ დაუჯერებთ ცრუ ინფორმაციას რომ მაგ. 1000 ნახვაზე 10 ან 100 ლარი დაგიგროვდებათ.

გადავიდეთ პარტნიორული სისტემის მოთხოვნებზე. პირველი და აუცილებელი პირობა პარტნიორის სტატუსის მოსაპოვებლად არის ის, რომ არხზე განთავსებული ყველა ვიდეო იყოს უნიკალური და არხის ავტორის მიერ შექმნილი. ასევე მნიშვნელოვანი მოთხოვნაა, რომ ვიდეოები ერთი კონკრეტული თემატიკის შესახებ იყოს, მაგ. თამაშების, ფილმების, იუმორისტული, შემეცნებითი თუ სხვა. ამ ორი მნიშვნელოვანი მოთხოვნის გარდა, არსებობს დამატებითი მოთხოვნები კატეგორიების მიხედვით, რომლებსაც შეგიძლიათ დეტალურად გაეცნოთ ბმულზე: http://www.myvideo.ge/c/pages/?ci_m=partners.

თუკი თვლით, რომ თქვენი არხი ამ კრიტერიუმებს აკმაყოფილებს, რაღას უცდით, მოგვწერეთ თქვენი არხის ბმული ელ.ფოსტაზე dev@myvideo.ge და თემის ველში მიუთითეთ „პარტნიორის სტატუსი“.

download

გისურვებთ წარმატებებს!

Tags: ,

3 comments

  1. […] პარტნიორის სტატუსის მინიჭების შემდეგ, პარტნიორი არხები განსაკუთრებული ყურადღების ქვეშ ექცევიან, რადგან მათთვის აუცილებელია პარტნიორული სისტემის წესების დაცვა. წინააღმდეგ შემთხვევაში, პარტნიორი მომხმარებლები იღებენ გაფრთხილებებს, 3 გაფრთხილების შემდეგ კი ხდება პარტნიორის სტატუსის ჩამორთმევა. […]

  2. გამარჯობათ, მოკლედ მე მინდა შევქმნა ბრენდული არხი ნელ ნელა საიტსაც გავაკეტებ შემდგომ დავდებ ექსკლუზიურ ვიდეოებს და ასუხი როდის იქნება?
    ჩემი ემაილი: top.video015@gmail.com

  3. გამარჯობა,
    ბრენდირებული არხის შექმნა შეუძლიათ იმ მომხმარებლებს, რომლებიც აკმაყოფილებენ შემდეგ პირობებს: გვერდი შედგება მინიმუმ 20 ვიდეორგოლისაგან, ითვლის 50-ზე მეტ გამომწერს და აქვს 200 000-ზე მეტი ჯამური ნახვა.

    ამ მაჩვენებლების მიღწევისთანავე, მომხმარებლის გვერდზე შესვლისას ზედა მარჯვენა კუთხეში გამოჩნდება ღილაკი „ბრენდირების ჩართვა“. ამ ღილაკზე დაჭერის შემდეგ მომხმარებელს ავტომატურად მიენიჭება ბრენდირება.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *