MYVIDEO TV BOX აზერბაიჯანულ ბაზარზე

box

მომავალი კვირიდან MYVIDEO TV BOX-ის გაყიდვა აზერბაიჯანშიც დაიწყება.

როგორც საზოგადოებისათვის ცნობილია, უკვე მესამე წელია აზერბაიჯანში წარმატებით ფუნქციონირებს პირველი ქართული ვიდეოპორტალის აზერბაიჯანული ვერსია myvideo.az.

პორტალმა ძალიან მალე მოიპოვა აზერბაიჯანელი ინტერნეტმომხმარებლის მხარდაჭერა და ის უკვე მის ქართველ მშობელ myvideo.ge-ზე არანაკლები წარმატებით სარგებლობს ჩვენს მეზობელ ქვეყანაში. აქედან გამომდინარე, ყველა ის სერვისი, რომელმაც წარმატებით გაიარა ტესტირების ფაზა საქართველოში ეტაპობრივად ინერგება აზერბაიჯანის ბაზარზეც.

მომავალი კვირიდან დაგეგმილია ჩვენი ახალი პროდუქტის, MYVIDEO TV BOX-ის აზერბაიჯანული ვერსიის გაყიდვაში ჩაშვება. აზერბაიჯანული TV BOX-ის საშუალებით ბაქოელ მომხმარებლებს მიეწოდებათ 40 ლოკალური და 160 უცხოური არხი. ასევე myvideo.az-ზე განთავსებული ფილმები და ვიდეოები.

აქვე შეგახსენებთ, რომ MYVIDEO TV BOX იწარმოება საქართველოში და ეს პირველი შემთხვევაა, როდესაც ქართული წარმოების ტექნიკა და ტექნოლოგიური პროდუქტი  ექსპორტზე გადის.

Tags: , ,

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *