რჩევები პარტნიორებისათვის – როგორ გავხადოთ არხი წარმატებული?

 

მას შემდეგ, რაც გაეცანით პარტნიორული სისტემის ძირითად მოთხოვნებს და, როგორც იქნა, მიიღეთ სანატრელი პარტნიორის სტატუსი, გაგაცნობთ რამოდენიმე მაგალითს, რომლებიც დაგეხმარებათ სწორად მართოთ თქვენი არხი და შესაბამისად, მეტი თანხა გამოიმუშაოთ ატვირთული ვიდეოების საშუალებით.

ვინ არიან ჩვენი პარტნიორები?

ჩვენი პარტნიორი შესაძლებელია გახდეს ნებისმიერი ადამიანი საინტერესო პირადი ვიდეოარქივით, ან ნიჭიერი, სასაცილო თუ უცნაური მეგობრების წრით, განსხვავებული უნარებით, კონკრეტულ სფეროში ღრმა განათლებით და ა.შ. გარდა ამისა, პარტნიორულ სისტემაში ჩართვა საკმაოდ მომგებიანია ტელეკომპანიებისა თუ ცალკეული ტელეგადაცემებისათვის, რადგან ტელემაყურებლების უმრავლესობა ინტერნეტში ინაცვლებს, ამა თუ იმ სასურველი ეპიზოდის შესახებ შთაბეჭდილებები სხვებსაც რომ გაუზიაროს.

ნებისმიერ შემთხვევაში, არსებობს რამოდენიმე ნიუანსი, რაც პარტნიორული არხის წარმატებისთვის ძალიან მნიშვნელოვანია და ხშირად ავტორების ყურადღების მიღმა რჩება.

არხის დიზაინი – მიუხედავად იმისა, რომ არხის პარამეტრების შეყვანა არ არის სავალდებულო პარტნიორებისათვის, და ამის გარეშეც შეძლებთ დააგროვოთ თანხა, არხის ვიზუალურ მხარეს დიდი მნიშვნელობა აქვს სხვა მომხმარებლებისათვის, რომლებიც თქვენ საბოლოოდ თანხის დაგროვებაში გეხმარებიან.

სასურველია პარტნიორის სტატუსის მიღებისთანავე იზრუნოთ არხის დიზაინზე და ასევე მიანიჭოთ მას მოკლე მისამართი, რაც სხვებს თქვენი არხის მარტივად პოვნაში დაეხმარება. რომელ გვერდს უფრო ადვილად მიაგნებთ:

myvideo.ge/maika თუ  myvideo.ge/?user_id=13050452? – ცალსახად პირველს! 🙂

იმ შემთხვევაში, თუკი თქვენი არხი რამოდენიმე მიმართულებით ვითარდება, მაგ. ორშაბათობით ტვირთავთ თქვენ მიერ გადაღებულ სერიალს, ხუთშაბათობით რჩევებს ჯანსაღ კვებაზე და შაბათობით ანეკდოტებს თქვენი მეგობრების მონაწილეობით, სასურველია რომ შექმნათ ფლეილისთები ყოველი მათგანისთვის. ასე მეტ კომფორტს შეუქმნით თქვენს მნახველებს.

განათავსეთ ვიდეოები სწორ კატეგორიებში. გარდა იმისა, რომ განგებ არასწორი კატეგორიის მითითება ისჯება გაფრთხილებით (3 გაფრთხილების შემთხვევაში კი ჩამოგერთმევათ პარტნიორის სტატუსი), ამით თქვენს ვიდეორგოლებს უფრო მეტი ადამიანი ნახავს დროტა განმავლობაში.

შეარჩიეთ მიმზიდველი, და ამავდროულად რელევანტური ფონის სურათი თქვენი ვიდეოსთვის. ეს მეტ მაყურებელს მიიზიდავს და წინასწარ წარმოდგენას შეუქმნის ვიდეოს შინაარსის შესახებ. ფონის სურათის სასურველი ზომაა 500 X 830. აქვე გაითვალისწინეთ, რომ არაადეკვატური ფონის სურათის დადება ვიდეოზე, მომხმარებლების მოზიდვის მიზნით, ასევე ისჯება გაფრთხილებით.

თუკი ამ ყველა რჩევას გაითვალისწინებთ და ამავდროულად, მოუხმობთ კრეატიულობას და საინტერესო ვიდეოებს ატვირთავთ, თქვენი არხის წარმატება გარანტირებულია! success-baby

Tags: ,

1 comment

  1. […] ასე გვწყინს, ვცდილობთ არ მოვაკლოთ რჩევები დანარჩენ პარტნიორებს, რომელთა შესრულების შემთხვევაში, […]

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *