ინფორმაცია 2014 წლის 5 ნოემბრის გათიშვასთან დაკავშირებით

გვსურს კომენტარი გავაკეთოთ ჩვენ მიმართ გამოთქმულ უსაფუძვლო ბრალდებებთან დაკავშირებით:

გუშინ, 5 ნოემბერს, 22:17 სთ-დან 23:26 სთ-მდე დროის მონაკვეთში ტექნიკური ხარვეზის, უფრო კონკრეტულად კი, აპარატურის გაუმართაობის შედეგად გლობალურ ინტერნეტთან კავშირის დაკარგვის გამო, მიუწვდომელი იყო MYVIDEO.GE-ს ყველა სერვისი, გარდა ამისა 500-მდე სხვა ვებსაიტი, მათ შორის News.Ge, Freshnews.ge, GeoNews.ge და სხვა.

შესაბამისად, არ ვიღებთ კონკრეტული პირების მიერ myvideo.ge-ს მიმართ გამოთქმულ არასერიოზულ ბრალდებას ამა თუ იმ პოლიტიკოსის დაბლოკვის შესახებ. აქვე დავძენთ, რომ myvideo.ge მომხმარებლების მიერ გენერირებული პოლიტიკურად ნეიტრალური ვიდეო პორტალია და მოვუწოდებთ მედია საშუალებებს თავი შეიკავონ გადაუმოწმებელი ინფორმაციის გავრცელებისა და myvideo.ge-ს იმიჯის უსაფუძვლოდ შელახვისაგან.

ნებისმიერი კითხვის შემთხვევაში საიტის ადმინისტრაცია მზადაა გაგცეთ პასუხი, შესაბამისად საზოგადოების შეცდომაში შეყვანამდე უმჯობესია დაგვიკავშირდეთ ტელეფონით: 2 49 00 49 ან ელ.ფოსტით: dev@myvideo.ge.

Tags: ,

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *